Menjëherë pas tërheqjes provizore të Partisë Socialiste nga propozimi i emrave të kandidatëve për Presidentin, Enkelejd Alibeaj ka bërë lëvizjen e Radhës. Nëpërmjet një mesazhi dërguar deputetëve të Partisë Demokratike, Alibeaj ka njoftuar mbledhjen e grupit parlamentar në selinë blu, mbledhje e cila pritet të mbahet këtë të enjte në orën 12:00. “Duke kërkuar ndjesë për orën, në vijim të diskutimeve ne grup për procesin e përzgjedhjes së Presidentit, nesër në orën 12:00, në seli, do të zhvillojmë mbledhjen e rradhës së grupi për të diskutuar mbi ecurinë e deritanishme dhe sesi do të vijojmë me procesin”, thuhet në mesazhin e orëve të vona të Alibeajt. Ndërkohë nga ky mesazh janë privuar disa deputetë demokratë. Nga ana tjetër, burime bëjnë me dije se Alibeaj do të zhvillojë takime edhe me aleatët në opozitë, për të marrë propozime edhe nga ata.