Në 9 prillin e vitit të kaluar, kur vendi ishte thuajse i mbyllur për shkak të pandemisë dhe masave që ishin marrë në atë kohë nga autoritetet shqiptare, u shënua një krim i dyfishtë në mes të ditës. Bëhet fjalë për vrasjen e vëllezërve Viktor dhe Besmir Haxhia. Ekspertët e kriminalistikës gjetën asokohe 55 gëzhoja në vendin ku u vranë Besmir dhe Viktor Haxhia. Plot 55 herë është qëlluar drejt makinës “Golf”, me të cilën ata po shkonin drejt banesave të tyre. Dy vëllezër Besmir dhe Viktor Haxhia u ekzekutuan pranë tregut të makinave në zonën e ShënVlashit në Durrës. Ata ishin duke udhëtuar me një automjet tip Volksëagen Golf, kur u qëlluan me breshëri automatiku nga autorë deri dje të paidentifikuar. Vëllezërit Haxhia me origjinë nga Puka dhe me banim në Durrës, ishin përkatësisht në sediljet e pasagjerit dhe shoferit.