Denoncimi në ‘Fiks Fare’çoi në prangat e policisë babin sekser që do të shiste beben për 5 mijë euro, teksa për nënën shtatëzënë ka filluar procedimi në gjendje të lirë. Reagimi i policisë së Durrësit erdhi menjëherë pas publikimit të videos mbrëmjen e kaluar në emisionin investigativ ‘Fiks Fare’ në Top Channel. Dy prindërit shfaqeshin në video duke biseduar me një shtetas tjetër, i infiltruar nga stafi i këtij emisioni, për të shitur foshnjën që mbante në bark bashkëshortja shtatzënë me inicialet Xh. H. kundrejt shumës 5000 euro. Policia e Durrësit procedoi penalisht babain e bebes për trafikim të të miturve prindërit e foshnjes. Babai Embrah Nuredini, 27 vjeç u arrestua, ndërsa për nënën në muajin e gjashtë të shtatëzënisë nisi procedimi në gjendje të lirë. Materialet hetimore i kaluan Prokurorisë pranë Gjykatës së Rrethit Gjyqësor Durrës, për veprën penale “Trafikimi i të miturve”, mbetur në tentativë, dhe vijon puna hetimore për dokumentimin e plotë të këtij rasti.