Fillimi i muajit maj ka shënuar përmbushjen e objektivit të qeverisë, teksa janë kryer rreth 500 mijë vaksinime. Në sheshin Skënderbej ky proces është përqëndruar të marrja e dozës së dytë të vaksinës, kryesosht për të moshuarit por edhe për grupet e tjera prioritere që nisën vaksinimin 1 muaj më parë. Pasi ka kaluar një muaj nga marrja e dozës së parë të vaksinës kineze, janë të shumtë të moshuarit të cilët kanë pritur në radhë që me dozën tjetër të vaksinës anticovid të shpëtojnë nga virusi. Në një postim të saj në rrjetet sociale ministrja e Shëndetësisë Ogerta Manstirliu, ka shkruar se u përmbuh objektivi për 500 mijë vaksinime 29 ditë para aftit të përcaktuar më parë. “29 ditë para afatit të bërë publik realizuam objektivin e 1/2 milionë vaksinimeve. Vazhdojmë pa u ndalur drejt objektivit 1 milionë tani”, thotë Manastirliu në postimin e saj në FB. Procesi i vaksinimit në vendin tonë nisi rreth 4 muaj më parë, fillimisht me vaksinat Pfizer, më pas dhe me Astrazeneca, vaksinat kinze Sinovak dhe ato ruse sputnik V. Fillimisht u vaksinuan stafet mjekësore, më pas mësuesit dhe pedagogët, dhe duke vijuar me të moshuarit mbi 80 vjeç e me radhë. Vaksinimi masiv nisi 5 javë më parë pas mbërritjes së vaksinave kineze dhe po vijon ende me të kategorite priooritare dhe fashat e grupmoshave.