Kosova po hyn në ditët e fundit të afatit kushtetues për formimin e qeverisë së re, ndërsa situata politike mbetet e paqartë. Albin Kurti, i mandatuar për kryeministër, ka edhe pesë ditë kohë deri më 26 tetor, për të prezantuar kabinetin qeveritar dhe për të siguruar shumicën parlamentare. Nëse kjo nuk ndodh brenda afatit, presidentja Vjosa Osmani do të duhet t’ia japë mandatin për formimin e qeverisë partisë së dytë në zgjedhje, PDK-së. Në rast se as ajo nuk arrin të krijojë shumicën, vendi do të shkojë në zgjedhje të reja.