Ndërsa kompanitë në mbarë botën po eksperimentojnë e madje edhe me sukses, javën më të shkurtër të punës, në greqi, punonjësve u është thënë se tani e tutje, ata mund të bëjnë edhe një ditë të gjashtë pune, në një masë jo shumë ortodokse që synon rritjen e produktivitetit. Pasi la pas, vende të tjera evropiane për sa i takon rritjes ekonomike, vendi që dikur ishte i mbërthyer nga kriza më e rëndë financiare në kontinent, del edhe një herë kundër rrymës, duke kthyer javën e punës 48 orëshe. Masa e cilësuar si barbare nga sindikatat, hyn në fuqi nga e hëna. "Nuk ka asnjë kuptim," thotë Akis Sotiropoulos, një anëtar i komitetit ekzekutiv të sindikatës së nëpunësve civilë Adedy. “Kur pothuajse çdo vend tjetër i civilizuar po miraton një javë katërditore, Greqia vendos të shkojë në anën tjetër.”