Në Kosovë ka filluar numërimi i fletëve të votimit nga jashtë vendit. Një ditë para se zgjedhjet të mbaheshin në 38 komunat e Kosovës, emigrantët patën mundësinë t’i drejtoheshin 29 përfaqësive diplomatike, për të shprehur vullnetin e tyre sa i takon drejtimit të vendit. Elezi: “Në Qendrën e Numërimit dhe Rezultateve, ka filluar numërimi i fletëvotimeve që i takojnë votimit jashtë Kosovës, respektivisht numërimi i fletëvotimeve që i takojnë votimit në përfaqësi diplomatike. Siç e dini, më 27 dhjetor 2025, në 29 përfaqësitë diplomatike të Republikës së Kosovës, të vendosura në 18 shtete të ndryshme të botës, është zhvilluar votimi për shtetasit e regjistruar paraprakisht për të votuar fizikisht në ndonjërën nga këto misione diplomatike. Nga 19,187 shtetasit e regjistruar, kanë votuar 16,165 prej tyre apo 84.24% dhe këto fletëvotime do t’i nënshtrohen numërimit”