Ekzekutimet mafioze për larje hesapesh, vrasjet për shkaqe banale dhe krimet brenda familjes tronditën sërish vendin përgjatë vitit 2024 duke regjistruar edhe njëherë një shifër të lartë viktimash në harkun kohorë të 12 muajve. 40 viktima janë shënuar në shkallë vendi nga janari në dhjetor. Një nga ngjarjet më tronditëse që erdhi si pasojë e përplasjeve të hershme e konflikteve të mbartuara, ndodhi në 30 tetor në periferi të Shkodrës, duke regjistruar një bilanc tragjik me 4 viktima. Hamza Lici dyshohet se ishte shënjestër e këtij sulmi, teksa nga breshëria e plumbave në drejtim të tij, humbi jetën edhe Arlind Bushati që ishte pasagjer në automjetin që drejtohej nga Lici, si dhe një cift bashkëshortësh, që u gjendën në lagjen Dobrac në vendin dhe kohën e gabuar. Ngjarja solli polemika të shumta pasoi polemika mbi veprimet e policisë së Shkodrës, teksa AMP pezulloi nga detyra efektivët që nuk kryen sic duhet procedurat në atë që cilësohet si ‘Masakra e Dobracit’.