Përpjekjet e Bankës së Shqipërisë, bankave të nivelit të dytë dhe qeverisë për të kanalizuar pagesat nëpër institucione financiare dhe reduktuar paratë në dorë në ekonomi po hasin në rezistencë në treg. Të dhënat e muajit tetor të Bankës së Shqipërisë tregojnë se paratë e thata jashtë bankave dhe jashtë institucioneve financiare jobanka në treg arritën në 4.6 miliardë euro, me një rritje prej 570 milionë eurosh në krahasim me tetorin e vitit të kaluar.