Gjykata e Posaçme Kundër Krimit të Organizuar Spak ka shpallur vendimin për 4 pjesëtarët e grupit të Habilajve që akuzohen për trafik ndërkombëtar të narkotikëve. Vendimi i gjykatës merret plot katër vjet nga goditja që iu bë grupit të hashashit, që trafikonte drgë nga Shqipëria në Italui. Moisi Habilaj, I cili në përgjimet telefonike të hetimit e prezantonte veten si kushëriri i ish ministrit të brendshëm Saimir Tahiri, u shpall fajtor dhe u dënua me 10 vite burgim. Ai mundi t’i largohej vëzhgimit të policisë në Itali, ku ishte në arrest shtëpi dhe aktualisht nuk dihet gjë për vendndodhjen e tij. Habilaj përfitoi nga gjykimi i shkurtuar pas një kërkese që dorëzoi përmes avokatit nga vendi i paditur ku vijon të qëndrojë, kërkesë kjo e aprovuar që i solli zbutje të dënimit nga 15 vite burgim në 10 të tilla. Të dënuarit e tjerë nga gjykata janë Nezar Seiti, që gjatë hetimeve ju dorëzua Italisë, Fatmir Minaj dhe Meridian Sulaj të cilëve drejtësia ju dha secilit dënimin me nga 9 vite burgim. Grupi i Moisi Habilajt u shbëpbë në vitin 2017, ndërsa në Itali u arrestuan edhe shtetas italianë që u identifikuan nga përgjimet intensive që tregonin se si organizohej ky aktivitet. Pjesë e dosjes hetimore ishte më herët edhe ish ministri i brendshëmSaimir Tahiri, ish drejtori i policisë së Vlorës Jaeld Çela dhe dy ish zyrtarët në arrati tanimë Sokol Bode dhe Gjergj Kohila, dosja e të cilëve u veçua në disa episode. Ish ministri i Brendshëm Saimir Tahiri dhe ish drejtori Jaeld Çela presin hapjen e procesit në Gjykatën e Lartë, pasi Gjykata e Apelit i dënoi me shërbim prove për akuzën e shpërdorimit të detyrës.