Zvicra ka zgjedhur F-35A Lightning II si avionin luftarak të gjeneratës së re – tha qeveria e vendit duke zemëruar kunërshtarët që kishin kërkuar një referendum për të rrëzuar atë që ata e konsideronin një opsion të panevojshëm. Marrëveshja prej 5.5 miliardë dollarësh, shton edhe një vend të 15 në projektin më të madh në botë të armatimeve, një familje avionësh të ndërlidhur që do të përdoren nga SHBA dhe aleatët e partnerët e saj. Kjo vjen përkrah një marrëveshjeje 2.1 miliardë dollarëshe për të blerë sistemin tokë ajër të mbrojtjes raketore, Patrior, nga grupi amerikan Raytheon. F-35 ka pësuar disa probleme me buxhetin, vonesat dhe pengesave teknike, por po fiton ritëm. Kritikët thonë se projekti, me vlerë triliona dollarëshe gjatë kohëzgjatjes së tij, ka parë që kostoja të rritet ndërkohë që nuk janë plotësuar objektivat e kapacitetit.