Në shtator do të kuvendojnë demokratë e socialisë në parlamentin e legjislaturës së re. Edhe pse kishte një mazhorancë socialiste absolute parlamenti i legjislaturës së vjetër, nuk arriti të miratonte një pjesë të konsiderueshme të nismave ligjore, të cilat u depozituan nga qeveria apo dhe nga deputetët. Rezultojnë se janë të paktën 35 projektligje që kanë mbetur në sirtarët e komisioneve prej vitesh. Nga këto 17 janë nisma të deputetëve, ndërsa 18 të depozituara nga Qeveria. Një ndër nismat e mbetura pa u votuar është ai i paraqitur nga deputeti Myslim Murrizi për faljen e të gjitha gjobave të vendosura gjatë kohës së pandemisë, të masave të izolimit. Ndërsa një nismë tjetër është ajo e paraqitur nga deputeti Artur Roshi i Ballit Kombëtar. Ai kërkonte ndryshimin e ligjit “Për kinematografinë”, në të cilin kërkonte ndalimin e filmave të kohës së regjimit komunist ku denigroheshin ballistët. E paraqitur në janar të këtij viti, ai e argumentonte nismës si të urrejtjes dhe të ndarjes në klasa. Një tjetër projektligj që u la në heshtje nga mazhoranca socialiste ishte edhe ajo për “Për shpalljen e ujërave të detit të gjirit të Sarandës, Butrintit, Ksamilit, Himarës, Borshit, Qeparoit dhe Palasës, ujëra të detit të “Gjireve historike” të Republikës së Shqipërisë dhe përfshirjen e tyre në ujërat e brendshme detare të Republikës së Shqipërisë”. Ai është depozituar në 6 nëntor të vitit 2020 nga deputeti Kostaq Papa. Ai kërkonte të mbronte detin Jon gjatë negociatave apo në përballjen në Gjykatën e Hagës për ndarjen e detit me Greqinë. Nuk dihet se si do të veprohet nga ana e Parlamentit për këto nisma që janë paraqitur nga deputetët, pasi pjesa e më e madhe e tyre nuk do të jenë në parlamentin e ri, për shkak se nuk kanë fituar mandate deputeti.