Eduart Kësolla autori i vrasjes së Prekë Toanajt në fshatin Grudë të Shkodërs është lënë në burg. Gjykata e Shkallës së Parë Shkodër këtë të mëkurë vendosi masën e sigurisë arrest me burg për 30 vjecarin, me afat 35 ditë, deri sa hetimet të përfundojnë plotësisht. Kur u vu në pranga vetëm 22 orë pas krimit të rëndë, mbrëmjen e së dielës, Kësolla mohoi autorësinë , ndërsa edhe këtë të mërkurë bëhet me dije se ka heshtur përpara trupës gjykuese. I vetmi që ka folur në mbrojtje të tij ishte avokati, i cili kërkoi prova nga gjykata për akuzën e ngritur, ndërsa Këolla nuk tha asnjë fjalë pas vendimit të trupës gjykuese. Gjykata vendosi vetëm 35 ditë burg pasi momentalisht nuk ka asnjë provë që e implikon 30 vjecarin lidhur me këtë vrasje. Ngjarja e rëndë u regjistrua mbrëmjen e së dielës në fshatin Grudë të Shkodrës, ku Kësolla dyshohet se u fut me armë zjarri në lokalin ku po qëndronte viktima dhe qëlloi drejt këtij të fundit duke e lënë të vdekur në vend. Përpara se ta qëllonte, autori u bëri thirrje klientëve në lokal që të mos lëviznin, teksa i është drejtuar Prekë Tonajt se “a e di se na ke borxh” dhe më pas i mori jetën.