Masakra e Reçakut, ku mbetën të vrarë 45 civilë shqiptarë nga forcat policore dhe ushtarake serbe, shënon këtë të enjte 27-vjetorin. Kjo ngjarje, u cilësua si masakër edhe nga shefi i atëhershëm i Misionit Verifikues të OSBE-së në Kosovë, Ëilliam Ëalker. Por çfarë ndodhi në Reçak? Rreth 30 kilometra larg Prishtinës, në Reçak të Shtimes forcat serbe vranë 45 civilë shqiptarë, më 15 janar të vitit 1999. Numri më i madh i viktimave u gjet në Kodrën e Bebushit, ndërsa të vrarë kishte edhe në pjesë të tjera të fshatit. Fshati kishte filluar të braktisej nga banorët, për shkak të afërsisë në të cilën ishin vendosur policia dhe ushtria serbe. Aksioni zgjati për disa orë, nga forcat policore dhe paramilitare serbe, duke lënë të vdekur 45 civilë. Policia serbe nuk e lejoi varrimin, ndërsa rinisën luftimet midis forcave serbe dhe Ushtrisë Çlirimtare të Kosovës, trë cilat zgjatën për dy ditë.