Dosja e Prokurorisë së Prishtinës ndaj Naim Murselit i akuzuar për vrasjen e bashkëshortes së tij, Liridona Ademaj sugjeron se ai kishte ndërtuar planin për eliminimin e saj prej të paktën një viti. Sipas prokurorisë, Naim Murseli është nxitur në krim pas sherreve të vazhdueshme martesore, që kishin nisur prej pranverës së vitit 2022. Prokuroria thotë se më 25 qershor është paguar polica e sigurimit jetësor për Liridona Ademin në vlerë prej 260 mijë eurosh. Prokuroria dyshon se pagesa e sigurimit është bërë me vetëdije nga Naim Murseli me qëllim që pas vrasjes së Liridonës të përfitonte edhe financiarisht këtë shumë. Planin për vrasjen ja ka komunikuar po në qershor të vitit 2022, thotë prokuroria në dosje, edhe kushëririt të tij Kushtrim Kokallës. Ky i fundit dyshohet se ka refuzuar që ta ekzekutojë vetë këtë plan, por e ka vënë në kontakt Naim Murselin me Granit Plavën. Për vrasjen e Liridonës, Murseli ka blerë ditën e ngjarjes një pistoletë me 20 fishekë nga shtetasi tjetër, Tom Dodaj për 280 euro.