Instituti Kombëtar i Shëndetësisë Publike të Kosovës, ka bërë me dije se, në 24 orët e fundit, 26 persona kanë humbur jetën për shkak të covid 19. Në njoftimin zyrtarë bëhet me dije se nga 12 mijë e 558 testime, 1 mijë e 448 qytetarë kanë rezultuar pozitiv me koronavirus. Shifrat e infektimeve prej ditësh vijojnë të jenë të larta, ku në të gjithë vendin 26 mijë e 525 persona rezultojne poziitve me Covid 19. Po në harkun kohorë të 24 orëve të fundit, janë shëruar 1 mijë e 421 qytetarë, duke e cuar numrin e përgjithshëm të të shëruarve në 120 mijë e 892. Në 24 orët e fundit janë dhënë 20 mijë e 479 doza të vaksinës kundër covid-19. Prej fillimit të vaksinimit në të gjithë Koosvën, janë dhënë 882 mijë e 718 doza të vaksinës. Deri më sot 298 mijë e 445 I kanë marrë të dyja dozat e vaksinës.