Nga 25 vatra zjarri të raportuara gjatë 24 orët e fundit, 19 janë shuar dhe vënë nën kontroll, ndërsa 6 vatra mbeten ende aktive, ku po monitorohen nga Forcat e Armatosura. Për shkak të terrenit të vështirë vatra në fshatin Shëngjin, në njësinë administrative Fan në Mirditë mbetet problematike, ku zjarri ka përfshirë një sipërfaqe të madhe me kullotë, shkurre dhe pisha. Aktualisht, zjarri është nën kontroll dhe nuk paraqet rrezik për zona të banuara. Gjithashtu mbeten aktive vatrat e zjarrit në Surroj dhe Shishtavec në Kukës, vatra në Skuraj në bashkinë Kurbin, Sopot në Delvinë dhe vatra në Luf të Pukës, por që nuk përbëjnë rrezik për qytetarët dhe pronat. Në operacionet e fundit për shuarjen e zjarreve janë angazhuar 128 forca zjarrfikëse, 80 forca ushtarake, 17 efektivë të Policisë së Shtetit, 69 nga strukturat e emergjencave civile të pushtetit lokal, 14 punonjës të administratës së zonave të mbrojtura, 42 pjesëtarë të shërbimit pyjor, dhe dhe 52 vullnetarë.