24 vatra zjarri janë raportuar gjatë 24 orëve të fundit prej të cilave 6 vijojnë të jenë ende aktive. aktualisht mbetet problem zjarri në vendgrumbullimin e mbetjeve në bashkinë Elbasan, ku edhe këtë të dielë ka vijuar puna për shuarjen e plotë të vatrës. Gjatë të shtunësa utoritetet punuan kryesisht me hedhjen e inerteve dhe kapsulimin e mbetjeve, ndërsa një grup ekspertësh ka qenë në terren për matjen e ndotjes së ajrit. ndërkohë në zonën midis fshatit Grazhdan, njësia administrative Livadhja, dhe fshatit Malçan, njësia administrative Dhivër, në bashkinë e Finiqit, intensiteti I zjarrit ka rënë dhe 2 automjete zjarrfikëse me 6 efektivë po monitorojnë në distancë vatrën. për shkak të terrenit të thyrer dhe mungesës së rrugëve problem vijon të mbetet zjarri në fshatin Bulticë në Tiranë, ku është përfshirë një sipërfaqe me shkurre e ferra. në ndihmë të zjarrfikësve kanë shkuar dhe 40 forca të armatosura që po punojnë për neutralizimin e flakëve. zjarre ka edhe në Orikum, Has dhe Poliçan.