Kur bëhet fjalë për vrasje makabre, trafikim të lëndëvë narkotike, trafikim fëmijësh, shfrytëzim prostitucioni, e për vepra të tjera të rënda kriminale, në mëndje na vjen figura e mashkullit. Por, harrojmë se shpesh herë të përfshirë në këto vepra penale, kanë qenë edhe gra, të cilëat vrasin për hakmarrje, apo kryejnë vepra të tjera kriminale për të përfituar një shumë të kënaqshme parash. Në mesin e qindra personave të shpallur në kërkim ndërkombëttar për veprat penale të mësipërme, 20 prej tyre janë gra, të cilat janë në kërkim prej vitesh dhe ende nuk janë kapur nga policia. Lumije Hoxha e lindur në Peshkopi në vitin 1964 është dënuar me 25 vite burg për vrasje. Kjo e fundit, e cila është personi i 514 i radhitur në listën e Interpol, si një nga personat më të kërkuar, është arratisur nga burgu dhe prej vitesh është në kërkim nga policia. Floresha Ndino e dënuar me 23 vite burg për rrëmbim personi.