Qeveria ka miratuar marrëveshjen me Bashkimin Evropian për Ndihmën Makro-Financiare për Shqipërinë në shumën prej 180 milion euro, si pjesë e mbështetjes së ofruar për vendet e Ballkanit Perendimor për përballimin e pandemisë së covid 19. Vendimi në fjalë i BE-së u mor në 25 maj në formën e një huaje të butë, me normë indikative të interesit rreth 0.5% me kushtet aktuale të tregjeve financiare. Edhe ambasadori i BE Luigi Soreca, permes një postimi në Tëitter thote se marrëvesha është mbështetje për Shqipërinë në përballimin e krizës së paprecedentë të Covid 19. Qëllimi i kësaj asistence është lehtësimi i kufizimeve të financimit të jashtëm të vendit, lehtësimi i bilancit të pagesave dhe nevojat buxhetore, të forcojë pozicionin e rezervës valutore dhe të ndihmojë vendin të adresojë sfidat aktuale të jashtme dhe financiare. Rishikimi i buxhetit nga Qeveria dhe Ministria e Financave ka synuar alokimin e fondeve në mbështetje të amortizimit të efekteve të COVID 19. Parashikimet afatmesme për indikatorët makroekonomikë dhe shpenzimet buxhetore synojnë një përfshirje më të gjerë sociale, mbështetje në procesin e rindërtimit ndihmë për shtresat në nevojë, dhe stimulim të ekonomisë në procesin e rimëkëmbjes.