SPAK ka përfunduar hetimet për serat e kanabisit të zbuluara në Berat më 10 nëntor 2022, ku u zbulua dhe u sekuestrua një sasi mbi 870 kilogramë kanabis. SPAK ka shpallur moskompetencën për 93 gra duke ia kaluar dosjen Prokurorisë së Tiranës, ndërsa kaloi për gjykim në GJKKO dosjen për 17 të pandehur për kultivim, prodhim dhe shitje të lëndëve narkotike në kuadër të krimit të organizuar, mes tyre gra. Hetimet nga SPAK ndaj 113 personave të përfshirë janë shtrirë për dy vite. Sipas Prokurorisë së Posaçme, organizimi i aktivitetit kishte nisur në Dhjetor 2021 dhe ishte shtrirë gjatë periudhës Qershor-Nëntor 2022, në një hapësirë toke nga 10 deri në 20-27 dynym. Sipas SPAK, nga ky aktivitet rezulton të jetë përftuar në total një sasi prej 1.7-1.8 ton kanabis sativa, ndërsa u gjetën dhe sekuestruan armë zjarri dhe municion luftarak.