Pas tre muajve kur ne shqiperi u konfirmuan 2 rastet e para me covid 19, vijojne te zbulohen raste te reja infektimesh. Ministria e shendetesise ka bere te ditur se ne 24 oret e fundit jane konfirmuar 17 raste te reja me koronavirus, nga 102 testime te kryera ndaj personave te dyshuar. Edhe keto raste pozitive me covid 19, jane te perqendruar ne zonat qe mbeten vatrat kryesore, 8 ne tirane, 6 ne shkoder dhe 3 ne kamez . Rastet e konfirmuara janë kontakte të rasteve të mëparshme pozitive dhe disa raste të reja në Tiranë dhe Shkodër janë në proces hetimi.Janë testuar në 24 orët e fundit 19 personel shëndetësor, nga të cilët 3 kanë rezultuar pozitivë nga kontakte dhe 1 personel është shëruar në 24 orët e fundit. Pavarësisht shërimeve ditore, vijon të ketë shtrime të reja në spitalin infektiv, ku aktualisht po trajtohen 34 të prekur, nga të cilët 6 janë në terapi intensive, 2 prej tyre janë të intubuar. Gjatë 24 orëve të fundit janë shëruar 7 qytetarë, duke e çuar ne 945 numrin e te sheruarve nga fillimi epidemisë. Në vendin tonë janë 284 persona aktivë me COVID19, kryesisht në Tiranë, Shkodër, Krujë dhe Kamëz.Nga fillimi i epidemisë janë kryer mbi 18500 testime molekulare dhe serologjike dhe janë konfirmuar pozitivë 1263 raste. Në Laboratorin e Mikrobiologjisë në QSUT janë kryer 2244 testime serologjike në personel shëndetësor, me një pozitivitet të përgjithshëm rreth 7 %.