Policia e Tiranës ka vënë në pranga autorin e dyshuar të plagosjes së 15 vjecarit me pistoletë stilolaps në një piceri në zonën e Ali Demit në kryeqytet. 21-vjeçari Aldo Neziri, i cili punonte si shpërndarës i porosive pranë kësaj picerie, akuzohet nga policia për plagosje të rëndë me dashje dhe armëmbajtje pa leje. Këtë të hënë u arrestuan edhe 3 punonjës të picerisë, pasi dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri, ndërkohë që vijon puna për kapjen e administratorit të picerisë.