Ndryshe nga një ditë më parë, ku u raporua për 251 raste të reja infektimi, këtë të martë shifrat e infektimit kanë shënuar një rritje të lartë, ndërsa raportohet për 841 të tilla. Rastet e reja u konfirmuan pas kryerjes së 3 mijë e 739 testimeve. Ministria e shëndetësisë bëri me dije se në harkun kohorë të 24 orëve të fundit 6 persona kanq humbur jetën si pasojë e Covdi 19. Betejën me koronavirusin nuk e fituan një qytetar nga Fieri 54 vjeç, dy qytetarë nga Tirana të moshave 73-76 vjeç, një qytetar nga Kuçova 80 vjeç, një qytetare nga Korça 80 vjeçe, një qytetar nga Elbasani 81 vjeç. Aktualisht në spitalet COVID po marrin trajtim 130 pacientë, nga të cilët 15 janë në gjendje më të rënduar. Në njoftim zyrtar të ministrisë bëhet me dije se në 24 orët paraprake janë shëruar 1547 qytetarë, duke e çuar numrin e të shëruarve në 250,429 që nga fillimi i epidemisë. Ndërkohë, janë 11,894 pacientë aktivë me COVID19 në të gjithë vendin.