13 MIlionë euro akordoi Këshilli I Euroëps për Forcat e Armatosura shqiptare. Paketa e ndihmës u dha në kuadër të Fondit europian të paqes me qëllim që FA të rritë efektivitetinb operacional, veçanërisht në drejtim të lëvizshmërisë, manovrimit dhe mbrojtjes. Masa e ndihmës do të forcojë gjithashtu kapacitetet e Shqipërisë në lidhje me pjesëmarrjen e saj në operacionet dhe misionet e Politikës së Përbashkët të Sigurisë dhe Mbrojtjes (CSDP) të BE-së, si dhe në çdo koalicion ndërkombëtar. Përfaqësues i Lartë për Politikën e Jashtme dhe Sigurinë, Josep Borrell tha se Shqipëria mbetet një partner I besueshëm I sigurisë. “Vendimi i sotëm është një moment historik i rëndësishëm në bashkëpunimin tonë për sigurinë dhe mbrojtjen. Ai pasqyron gjithashtu vlerësimin tonë për përafrimin e plotë të Shqipërisë me Politikën e Përbashkët të Jashtme dhe të Sigurisë të BE-së, e cila është një shprehje shumë e qartë e zgjedhjes strategjike të Shqipërisë për një të ardhme brenda BE-së.”, shkroi ai. Fondi Europian I Paqes do t’I sigurojë Forcave të Armatosura mjete të lehta të blinduara shumëfunksionale . Këto automjete janë të pajisura për të siguruar lëvizshmëri dhe manovrim të lartë në të gjitha llojet e terrenit dhe kushteve të motit dhe për të siguruar mbrojtjen e personelit kundër armëve të lehta dhe eksplozivëve.