Në 24 orët e fundit ministria e Shëndetësisë, ka raportuar për 12 viktima të tjerë si pasojë e infektimit nga koronavirusi, ku 5 prej tyre janë në Tiranë. Numri i përgjithshëm i viktimave në vend që nga fillimi i pandemisë, ka shkuar në 977 jetë të humbura. I lartë edhe këtë të premte ishte edhe numri i infektimeve të reja, ku u konfirmuan pozitiv nga covid 19, 802 persona, si rezultat i 2604 testimeve të kryera ndaj personave të dyshuar. Tirana ka numrin me te larte te infektimeve me 310 raste , 57 në Berat, 46 në Elbasan, 43 në Korçë, 38 në Vlorë, 35 në Shkodër, 30 në Lushnje, 24 në Mat, 22 në Gjirokastër, 21 në Fier, nga 18 raste në Durrës, Përmet, nga 13 raste në Krujë, Lezhë, Kuçovë, 12 në Skrapar, 11 në Pogradec, 10 në Pukë, nga 9 raste në Dibër dhe më pak raste në zona të tjera të vendit. që nga marsi kur u konfirmuan rastet e para janë infektuar nga virusi 46 863 prsona. Ndërkaq në 4 spitalet COVID mesohet se po trajtohen 451 pacientë, 37 në terapi intensive, 12 pacientë janë të intubuar. Në 24 orët e fundit janë shëruar 527 qytetarë, duke e çuar numrin e të shëruarve 24.136 që nga fillimi i epidemisë, ndërsa numri i rasteve aktive 21.750 persona. Ministria e Shëndetësisë dhe Mbrojtjes Sociale u ka bërë apel qytetarëve të kufizojnë kontaktet dhe të shmangin çdo dalje të panevojshme, të mbajnë maskën dhe të kujdesen për higjienën personale, për të kufizuar përhapjen e COVID-19 si dhe të zbatojnë me përpikmëri rregullat dhe mos e ulni vigjilencën asnjë moment.