Kryeministri Edi Rama së bashku me homologun e Malit të Zi, Dritan Abazovi kanë mbërritur në kryeqytetin e Ukrainës në Kiev. Ashtu si ishte paralajmëruar, ata pritet të takohen me presidentin Zelensku në një vizitë që do të zgjasë disa orë. Rama së bashku me Abazovi kanë udhëtuar mbi 12 orë me tren nga qyteti I Pshemishit në Poloni nga ku u bë nisja për në Ukrainë. Ato u pritën nga forcat ushtarake dhe delegacioni ukrainas. Dy kryeministrat shoqëroheshin dhe nga anëtarë të forcave special të vendeve respective për të rritur sigurinë, pasi në anën lindore të Ukrainës vijojnë luftimet dhe bombardimet nga forcat ruse. Gjatë vizitës në Bucha, ku do të shohin nga afër krimet e ushtrisë ruse në Ukrainë, do jetë edhe Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtori I Agjencisë për Media dhe Informim, Volodymyr Shkurov, Ambasador I Republikës së Ukrainës në Shqipëri dhe Dorjan Duka, Këshilltar I Jashtëm.