Qeveria parashikon që të shpenzojë gati 100 milionë euro në total vitin e ardhshëm vetëm për rritjen e rrogave, në kuadër të reformës dhe premtimit për të ccuar pagën mesatare 900 euro. Në total, për pagat fondi i ndarë në buxhet është rreth 360 milionë euro. Shifrat u bënë publike nga Ministri i Financave, Ervin Mete, që njoftoi miratimin nga qeveria të projektligjit të buxhetit për vitin e ardhshëm nga qeveria. Projektbuxheti parashikon një fond prej 11 miliardë lekësh për rritjen e mëtejshme të pagave të mjekëve të përgjithshëm, infermierëve dhe punonjësve të tjerë shëndetësorë, mësuesve në arsimin parauniversitar, forcave të rendit, të mbrojtjes dhe niveleve zbatuese të administratës qëndrore dhe vendore. Në total, efekti i përgjithshëm në buxhet për financimin e kësaj reforme madhore në sistemin e pagave kap vlerën 39 miliardë lekë. Projektbuxheti parashikon gjithashtu financim të investimeve publike të programuara në nivelin mbi 5 PËR QIND të PBB-së si dhe rritje të mbëshetjes për pushtetin vendor. Sa i takon paketës fiskale, propozohet vendosje e tavanit në rritjen e akcizës. Projektbuxheti vitit të ardhshëm është parashikuar në nivelin rekord prej 7 miliardë eurosh.