Një vit pas vrasjes së 22-vjeçares shqiptare Ilaria Sula, familja e saj vijon të përsërisë thirrjet për drejtësi. Një vit pas vrasjes së saj, i ati është shprehur se kjo tragjedi mund të ishte shmangur, duke lënë të kuptohet se reagimi i familjarëve të autorit, veçanërisht i nënës së tij, mund të kishte ndryshuar rrjedhën e ngjarjes nëse do të ishte njoftuar menjëherë policia. 26 marsi shënon një vit nga krimi që tronditi opinionin publik, ndërsa familja e kujton si fillimin e makthit datën 29 mars, kur e reja nuk u kthye më në shtëpi. Autori ndodhet në burg në pritje të dënimit, ndërsa nëna e tij është dënuar me dy vite burg pas një marrëveshjeje me drejtësinë, për përfshirje në fshehjen e trupit.