Ish-prefekti I Kukësit Granit Gjana u dënua me një vit burg nga Gjykata e Posaçme kundër Krimit dhe Korrupsionit. Dënim që iu konvertua në dy vite shërbim prove për shkak të gjykimit të shkurtuar. Ai u shpall fajtor për shkelje të barazisë në tendera nw dy raste. Gjana po ashtu për një periudhë pesë vjeçare, sipas vendimit tw GJKKO, nuk do të mund të ushtrojë asnjë funksion publik. I njëjti dënim u kërkua dhe nga SPAK. Hetimet ndaj Gjanës nisën në muajin maj pas një denoncimi të bërë nga ana e një subjekti privat që humbi tenderët me vlerë 21 mln lekë për naftën, nga hetimet rezultoi se Gjana, I cili ka mbajtur si I komanduar edhe postin e ish-kryebashkiakut të Kukësit, përmes ndërhyrjeve pengoi kompaninë garuese, duke mos lëshuar dokumentin bashkiak. Veprim që solli skualifikimin nga të dy procedurat të kësaj kompanie, çka detyroi administratorin e saj t’I drejtohej SPAK.