Alfred Debreshi është vënë në prangat e policisë se Bulqizës, si autor kryesorë i dyshuar për vënien e eksplozivit në automjetin e të vëllait te, tij Elton Debreshi. Nga hetimet e kryera nga uniformat blu, 29 vjecari është i dyshuari kryesorë, për vendosjen e sasisë së lëndës plasëse, në automjetin tip ‘Mercedez Benz’, në pronësi të vëllait të tij Eltonit. Ngjarja u regjistrua mëngjesin e së premtes, në banesën e tij në Bulqizë. Lënda plasëse ishte e vogël, për pasojë u shkaktuan vetëm dëme materiale dhe nuk pati të lëndur. Uniformat blu të premten, shoqëruan disa perona në komisariat, që sipas policisë mund të kishin dijeni në lidhje me këtë tentativë për vrasje. Ndërsa këtë të shtunë, dyshimet u ngritën për të vëllanë e tij. Gjatë marrjes së tij në në pyetje nga uniformat blu, në lidhje me ngjarjen, Alfredi ka mohuar gjithçka. Grupi hetimor ka ngritur dyshime mbi deklarimet e tij, duke siguruar prova të tjera, që sipas tyre, janë të mjaftueshme për të implikuar 29-vjeçarin në krim. Nuk dihen nëse midis vëllezërve ka pasur konflikte të mëparshme dhe çfarë e shtyu të riun drejt këtij veprimi. Ndërkaq, kujtojmë se Elton Debreshi është ish kandidat për deputet i pavarur në zgjedhjet e 25 prillit dhe njëkohësisht kryetar i sindikatës së Minatorëve të Bashkuar të Bulqizës. Materialet procedurale i kaluan Prokurorisë pranë Gjykatës së Shkallës së Parë Dibër, për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe “deklarim i rremë para oficerit të policisë gjyqësore”.