Gjykata e Lartë ka shpallur vakancën për në gjykatën Kushtetuese. Kryetares së Gjykatës Kushteteuse Holta Zaçaj I përfundon mandati në 10 mars të vitit 2025. Ajo një ditë më parë iu drejtua Komisionit të Venecias lidhur me një opinion për çështjen e mandatit të saj, ndërsa paraqiti katër pyetje. Por nga ana tjetër, Gjykata e Lartë sqaron se ka hapur procedurat për vendin vakant, me qëllim që të mos e fut këtë gjykatë në ngërç. Sipas Kushtetutës, anëtarët e Gjykatës Kushtetueses parashikohen që të përtërihen çdo tre vjet me një të tretën e saj. Në këtë proces përfshihet Presidenti, Kuvendi dhe Gjykata e Lartë që çdo tre vjet kanë detyrimin të zgjedhin nga një anëtar të saj. Ky proces është I detyrueshëm për të tre organet me qëllim shmangien e çdo krize dhe tensioni, që mund të cënojë funksionimin e Kushtetueses. Holta Zaçaj u zgjodh anëtare e Gjykatës Kushtetuese në 16 janar të vtit 2023 nga Gjykata e Lartë si pjesë e vendit vakantë që ishte krijuar për shkak të përfundimit të mandait të Vitore Tushës, e cila vijonte të ushtronte detyrën deri në zëvendësimin e saj. Por për shkak se është ende në mes të mandatit, Holta Zaçaj iu drejtua Komisionit të Venecias për opinion. Por për Gjykatën e Lartë koha e përfundimit të madatit të saj është marsi I vitit 2025.