Një zjarr I madh ka përfshirë prej më shumë se pesë orësh një qendër tregtare në Lushnjë. Flakët kanë rënë fillimisht në katin e dytë të ndërtesës 12-katëshe rreth orës 14:40. E më pas janë përhapur me shpejtësi në katin e tretë ndërsa tymi përfshiu të gjithë godinën. Shumë njerëz, të cilët ndodheshin aty për pazar si dhe për të festuar ditën e krishtlindjeve, por dhe banorë të pallatit, kanw mbetur të bllokuar, pasi u kapën të papërgatitur nga flakët. Ata nuk mund të dilnin jashtë pasi në ndërtesë mungonin shkallët e emergjencës. Disa prej tyre dolën në dritare e kërkuan ndihmë. Ndërkohë të tjerët u ngjitën në katet e mësipërme për t’u shpëtuar flakëve dhe tymit. Për shkak të lartësisë forcat zjarrfikëse dhe policia që shkuan menjëherë në vendin e ngjarjes, përdorën fillimisht shkallët si dhe një vinç për t’I shpëtuar ata.