Një vatër zjarri është aktive në Dropull, ndërsa forcat zjarrfikëse po punojnë për fikjen e tij. Një zjarr që mendohet të jetë vendosur në një kullotë malore mbi fshatin Goricë në Dropull u kthye në një emergjencë për rreth 2 orë kur brezi i flakëve u shtri në një sipërfaqe të gjerë horizontale mbi fshatrat Frashtan dhe Goricë në Dropull duke u afruar rreth 300 m tek zona e banuar. Ndërhyrjet e zjarrfikësve të disa bashkive që i shkuan në ndihmë repartit të Dropullit kanë mbajtur zjarrin nën kontroll deri sa për të arritur neutralizimin e tij u përdor ndërhyrja nga ajri me helikopter. Tani zjarri është fikur plotësisht pranë fshatit Frashtan dhe helikopteri po kryen ndërhyrjet e fundit nga ajri për ti dhënë fund situatës. Paralelisht është çelur një hetim për shkaqet e zjarrit dhe po punohet për identifikimin e përdoruesit të kullotës ku janë parë fillimisht flakët. Forcave zjarrfikëse po u vijnë në ndihmë edhe Forcat e Armatosura.Për fikjen e vatrës është ndërhyrë edhe nga ajri përmes një helikopteri.