Presidenti ukrainas Volodymyr Zelenskyy thotë se është i gatshëm të bisedojë me presidentin rus Vladimir Putin . “ne duhet të gjejmë një marrëveshje”, por pa ultimatume, tha zelensky në një intervistë me televizionin shtetëror italian RAI. Ai tha ndër të tjera se nuk do ta njohë kurrë Krimenë si pjesë të Rusisë, e cila aneksoi atë pjesë të Ukrainës jugore në 2014. “Krimea ka pasur gjithmonë autonominë e saj, ka parlamentin e saj, por në brendësi të Ukrainës”, tha Zelenskyy. “Ne duam që ushtria ruse të largohet nga toka jonë, ne nuk jemi në tokën ruse”, u përgjigj Zelenskyy. “Ne nuk do ta shpëtojmë fytyrën e Putinit duke paguar me territorin tonë. Kjo do të ishte e padrejtë.” Ndërkohë ditën e 78 të pushtimit, ukrainasit thanë se kanë qëlluar një tjëtër anije të marinës ruse në Detin e Zi, duke i vënë flakën. Ndërsa po ashtu raportohet gjithashtu se një helikopter rus Mi-24 është rrëzuar në rajonin e Luhanskut. Në Mariupol , një video e postuar në rrjete sociale tregon luftime të ashpra në fabrikën e azovstal Pamjet: AFP