Edhe pse e angazhuar maksimalisht me vëzhgimin e zgjedhjeve kyce të 25 prillit, ambasadorja amerikane në Shqipëri Yuri Kim e gjeti kohën edhe një postim në Twitter, ku beri një njoftim të rëndësishëm lidhur me stërvitjen më të madhe ushtarake në Ballkanin Perëndimor, Defender 2021 që do te zhvillohet në Shqipëri. Më shumë se 800 trupa amerikane do të zbarkojnë të hënën në vendin tonë, sipas Kim, për stërvitjen që konsiderohet gjerësisht se synon të rrisë gadishmërinë dhe të realizojë ndërveprimin mes ushtrisë së SHBA, NATO-s dhe ushtrive partnere, në mënyrë që të jenë së bashku të përgatitura për t'iu përgjigjur çdo kërcënimi. Përzgjedhja e Shqipërisë si vend i i organizimit të stërvitjes masive, u pa vec të tjerash si shenjë besimi e SHBA-së, por edhe si demonstrim i mbështetjes së saj për vendin tonë ndërsa kërkon të shfaqet dhe si partner strategjik sigurie në rajonet e Ballkanit Perëndimor dhe Detit të Zi. Rreth 5.000 forca amerikane do të stërviten dhe veprojnë në Shqipëri nga muaji prill deri në qershor, të cilat do të veprojnë në vende të shumta në Shqipëri, përfshirë bazën ajrore në Kuçovë, në Farkë dhe në zonën e trajnimit në Bizë.