Dita e Kylian Mbappes ka nisur ndoshta në mënyrën më të keqe të mundshme për yllin francez të Real Madridit. Gjatë natës, kur ai ndoshta ishte duke fjetur, llogaria e tij në rrjetin social “X” ishte ishte hakeruar nga disa persona, identiteti i të cilëve nuk dihet. Në llogarinë e Mbappes u vunë re disa postime ku shumica e tyre ishin ofenduese ndaj figurave të njohura të futbollit, klubeve dhe madje kishte disa mesazhe politike. Ajo që u vu re ishte një foto e Messit duke qarë, teksa në të shkruhej: “Cristiano Ronaldo është futbollisti më i madh në histori. Xhuxhi Messi nuk është GOAT-i (Më i madhi i të gjitha kohërave) im”. Në postimet e tjera shkruhej: “Mançesteri është i kuq. Londra ta shpif”; “Do të shkoj te Manchester United. Le ta bëjmë në 2028-ën si një transferim të lirë”; “Palestinë e lirë”; “F*ck Izrael”, “Futbolli kontrollohet nga hebrenjtë”, etj. Në mëngjes, të gjitha këto postime u fshinë, teksa nga ana e francezit ende nuk ka ardhur asnjë shpjegim.