“Washington Post”, një nga gazetat kryesore në botë, planifikon të pushojë nga puna rreth 300 gazetarë për shkak të krizës financiare. Redaktori Ekzekutiv, MattMurray, dhe shefi i burimeve njerëzore, WayneConnell, u kanë dërguar një e-mail stafit të mërkurën në mëngjes duke i udhëzuar të "qëndrojnë në shtëpi sot", por të marrin pjesë në një takim në orën 8:30 të mëngjesit nëpërmjet Zoom-it, gjatë të cilit bordi drejtues i Washington Post do të njoftonte "veprime të rëndësishme në të gjithë kompaninë". Këto veprime përfshijnë mbylljen e pothuajse të gjithë seksionit të Sportit, mbylljen e seksionit të Librave dhe anulimin e podkastit të përditshëm. Mbulimi ndërkombëtar i “The Post” gjithashtu do të reduktohet ndjeshëm, përfshi edhe reporterin në Ukrainë,ndërsa disa zyra jashtë SHBA-së do të mbeten të hapura. Ky vendim vjen vetëm disa ditë pasi gazeta në pronësiprej 2013të themeluesittëAmazon, JeffBezos, uli mbulimin e Lojërave Olimpike Dimërore 2026 për shkak të humbjeve financiare. Pushimet nga puna ishin pritur prej javësh dhe sipas raportimeve, shkurtimet pritet të prekin afërsisht një të tretën e punonjësve të Washington Post, duke përfshirë më shumë se 300 nga 800 gazetarët gjithsej në redaksi.