Një kompani që falsifikonte dokumente është zbuluar në Yzberisht të Tiranës, ndërsa në pranga kanë rënë tre persona. Gjatë operacionit policor të koduar “Vula” ranë në pranga shtetasit 53-vjeçari Çlirim Bregu, bashkëpronar i firmës, i dënuar më parë ndër të tjera dhe për kontrabandë; 55-vjeçari Arben Rushiti punonjës i firmës, dhe 54-vjeçari Fatos Shima, i cili u kap duke marrë një certifikatë pronësie, të dyshuar të falsifikuar. Autoritetet kanë sekuestruar 37 vula të falsifikuara të institucioneve të ndryshme shtetërore brenda dhe jashtë Shqipërisë, dokumente të paplotësuara (leje qarkullimi, libreza, deklarata noteriale, dokumente shkollore dhe dëshmi të aftësive profesionale. Në ambientet e subjektit privat u gjetën 210 shishe me verë, të dyshuara të kontrabanduara, si dhe u konstatua se ishin punësuar shtetas, pa u siguruar.