Presidenti i Serbisë, Aleksandër Vuçiç, u përball me një situatë aspak të këndshme, gjatë një konference për media. Një debat i tensionuar me gazetarët detyroi presidentin serb të largohet i irrituar nga koncerenca live. Shkak për reagimin e tij u bë një pyetje që nuk i pëlqeu, duke e shtyrë atë të mbante një ton kritik dhe moralizues ndaj përfaqësuesve të mediave. Vuçiç po komentonte sulmin ndaj Milosh Pavloviç, përfaqësues i lëvizjes “Studentët që duan të mësojnë”, duke e krahasuar me një incident të mëparshëm në Novi Sad, ku një studente u sulmua dhe iu thye nofulla, raportojnë mediat në Beograd. “Më shpjegoni pse ata djem në Novi Sad qëndruan katër muaj në paraburgim, ndërsa këta që vepruan në mënyrë të organizuar, me qëllim dhe me vetëdije, përballen vetëm me akuza për pakujdesi...”, u shpreh Vuçiç me tone të ashpra. Kur gazetarët tentuan të reagojnë, duke theksuar se edhe ata mund të japin shpjegime, presidenti i ndërpreu ashpër dhe i qortoi për sjelljen e tyre.