Këtë të martë u zhvillua seanca gjyqësore në Gjykatën e Posaçme për Leonard Dukën, i akuzuar për vrasjen e ish-policit Santiago Malko në gusht të vitit 2019 në Tiranë. Top Channel mëson se seanca vijoi në mungesë të Leonard Dukës. Muhamet Duka, babai i të pandehurve, në cilësinë e dëshmitarit pranoi të dëshmojë përpara Gjykatës. Avokatja e pyet nëse e njohin shtetasin Santiago Malko, ndërsa prokurori e pyet për Aleksandër Maxhakun. “Nuk e njoh dhe nuk kam patur asnjë konflikt. Mesa di unë as djemtë e mi nuk kanë patur konflikt. Nuk dijeninë time nuk e di nëse kanë patur probleme me Ervis Martinajn, unë nuk e njoh. Aleksandër Maxhaku eshtë nipi im, djali i motrës, e thërrasim Leksi, Aleks varet. Kam shumë vite pa e takuar thuajse 6 vjet, nuk e di ku është. Dritan Again e njoh është nga vendi jonë, një stërmbesa jonë e ka burrë. E kemi deri diku tonin nuk është i huaj. Dritanin e kam parë djemtë e mi si çunat që rrinë. Oltion Lokën e kam parë, e njoh nga lagjja. Ai ka pas banuar në Shëngjergj. Olti i thërrisnin shkurt, nuk e di me kë rrinte nga çunat.