Nusja e djalit të milionerit britanik, Lord Ashcroft është transferuar në një burg të mbushur me akrepa në Belize, pasi vrau një polic vendas. 32 vjecarja Jasmine Hartin, pretendon se gjithcka ka qenë aksidentale, ndërsa përballet me akuzat për vrasje nga pakujdesia. Trupi i policit Henry Jemmott, baba i pesë fëmijë, u gjet duke pluskuar në ujë pranë San Pedros. Ekzaminimi tregoi se ai kishte një plagë në pjesën e pasme të kokës, të shkaktuar nga një plumb dhe duket se ishte ishte qëlluar nga afër. Jasmine, e cila ka dhe vetë dy fëmijë pretendon se ka qenë duke i bërë masazh policit pasi kishin konsumuar bashkë pije alkolike, dhe në momentin që ka dashur t`i japë atij armën e shërbimit, ajo sic thote është shkrepur papritur. Të afërmit e Jemmot këmbëngulin se kjo është e gjitha një sajesë dhe se polici është vrarë me gjakftohtësi. Duke qenë se akuzohet për vrasje nga pakujdesia dhe jo vrasje të mirëfilltë, Hartin rrezikon maksimumi 5 vjet prapa hekurave, por sipas shtypit britanik ajo mund t`ia hedhë paq edhe me një gjobë prej vetëm 10 mijë dollarësh.