I akuzuari Leonard Duka nuk ka pranuar që të japë asnjë shpjegim, gjatë seancës së Gjykatën e Posaçme Antikorrupsion. GJKKO caktoi masën e sigurisë “arrest me burg” për Leonard Dukën, tri ditë pasi u ekstradua nga Belgjika. Kreu i klanit ‘Duka’, i cili ishte shpallur në kërkim ndërkombëtar nga Interpoli Tirana, ra në pranga një vit më parë, në shkurt 2023, teksa fshihej në një banesë private në një provincë të Brukselit. Së bashku me gjashtë persona të tjerë, ata akuzohen si autorët e dyshuar të ngjarjes së ndodhur në vitin 2019, në rrugën “Xhanfize Keko”, Tiranë, ku mbeti i vrarë me armë zjarri, ish-polici Santiago Malko, krahu i djathtë i “bosit” të lojërave të fatit, Ervis Martinaj. Gjithashtu, Duka në bashkëpunim me persona të tjerë, ka planifikuar disa herë vrasjen e Ervis Martinajt dhe gjithashtu dyshohet si autor i vrasjes së Erigers Mihasit apo anëtarëve të tjerë të grupit të Martinajt.