Komisioni Qendror i Zgjedhjeve në mbledhjen e së martës ka bërë të ditur se me datë 31 dhjetor, në ndërrimin e moteve, votat do të numërohen vetëm deri në mesditë. Orari më 31 dhjetor të jetë në orën 12:00 dhe më 1 janar 2026 me vazhdu prej orës 4. Lidhur me këtë dakordim të Këshillit për Operacione Zgjedhore, sekretariati i ka njoftuar të gjithë Komisionet Komunale Zgjedhore Nga ana e përfaqësuesit të Lëvizjes Vetëvendosje pati kundërshtime për ndërprerjen e numërimit në ditën e festës së vitit të ri. Ne nuk guxojmë me e ndalë aktivitetin tonë, me iu nënshtru festave sepse është një proces i cili nuk guxon me pasë ndërprerje për shkak të aspektit sensitiv por edhe të integritetit të vet procesit Në mbledhjen e së martës në Komisionin Qendror të Zgjedhjeve po ashtu u shprehën shqetësime për problemet me energji elektrike në ditën e zgjedhjeve. Duke e pa që edhe gjatë periudhës së fushatës zgjedhore ka ndërprerje të energjisë elektrike në gjithë vendin, konsideroj se prej KQZ-së nevojitet një komunikim i drejt me Ministrinë por edhe me organet tjera, me KEDS, KESCO dhe kushdo që është i nevojshëm për të harmonizuar dhe për të pa se ku mund të kemi sfida për ditën e zgjedhjeve Në Kosovë, më 28 dhjetor do të votohet në zgjedhjet e parakohshme parlamentare. Ky është procesi i tretë zgjedhor që organizohet në vend, pas zgjedhjeve parlamentare të 9 shkurtit dhe zgjedhjeve lokale të tetorit.