Në Kongresin e 16-të Ekonomik Europian, Presidentja e Komisionit Europian, Ursula Von Der Leyen njëherësh kandidate për tu rizgjedhur në krye të këtij institucioni të rëndësishëm premtoi forcimin e kapaciteteve mbrojtëse të Europës, që në 5 vitet e ardhshme të shndërrohet në një superfuqi, ndaj të cilës, të mos guxojë kush të mendojë se mund të ngrejë dorë. Punimet e këtij Kongresi po mbahen në Poloni dhe do të zgjasin 3 ditë, ndërkohë që Von der Leyen e bëri të qartë se nëse zgjidhet për një mandat tjetër 5 vjeçar do të rrisë kapacitetin industrial të mbrojtjes evropiane Efekte Ursula"Nëse unë do të jem presidentja e ardhshme e Komisionit Evropian, do të propozoj një sërë projektesh të mbrojtjes me interesa të përbashkëta evropiane për të siguruar që projektet e mëdha të projektohen, ndërtohen dhe vendosen në tokën evropiane. Do të propozoj të zgjidhet edhe një Komisioner për Mbrojtjen me kohë të plotë në mbështetje të një industrie moderne evropiane." Efekte Tusk“Nëse Europa do të ishte përgatitur më mirë, atëherë ndoshta Rusia nuk do të kishte guxuar të sulmonte Ukrainën”, u shpreh kryeministri i Polonisë, Donald Tusk në Kongres, duke kërkuar që më shumë se sa formatet politike, fjalimet nëpër samite të përqendrohen tek veprimet reale për mbrojtjen e përbashkët të qiellit europian.