Top Channel/ “Vija e kuqe për BE, kur minohet Reforma në Drejtësi”, Gonzato: Ishte kyçe për…
30/10/2024 21:01

Ambasadori i BE-së në Tiranë, Silvio Gonzato tregon se vija e kuqe e Brukselit është aty ku nis minimi i Reformës në Drejtësi të vitit 2016. Në një intervistë për Top Channel ai thotë se ishte pikërisht kjo reformë e miratuar me konsensus që bëri të mundur hapjen e negociatave. Gazetari Muhamed Veliu: Z. Ambasador, Komisioni i BE-së po bën një vlerësim të mirë, nëse mund ta themi këtë, për qeverinë shqiptare. Kapitulli i parë u hap nga Plani i Rritjes. Siç e përmendëm, Shqipëria do të marrë 920 milionë euro. Por opozita ka një lexim rrënjësisht të ndryshëm të realitetit shqiptar, duke e konsideruar SPAK-un një organizatë kriminale, që shërben në emër të kryeministrit Rama, me tre opozitarë, njëri në arrest shtëpie dhe dy në burg, duke kërkuar vazhdimisht mosbindje civile. Cili është vlerësimi juaj për këtë? Ambasadori Silvio Gonzato: Së pari, le të fillojmë me gjërat pozitive, sepse unë jam njeri pozitiv. Nuk ka dyshim, dhe kjo është mjaft e rrallë, nuk ka dyshim që ka mbështetje ndërpartiake për anëtarësimin në BE. Kjo nuk është prerogativë e Partisë Socialiste apo e Partisë Demokratike. Të gjithë mendojnë se ky është plani A, dhe të gjithë e dinë se nuk ka plan B. Dhe kjo e bën punën time, për shembull, jashtëzakonisht motivuese, të jem i sinqertë. Dhe kjo është arsyeja pse e dua atë. Keni vërtet të drejtë që thoni se ka lexime të ndryshme të situatës. Por kur Komisioni Evropian publikon vlerësimin e tij për gjendjen në Shqipëri, dhe raporti i ri vjetor do të dalë nesër, ai shikon të gjithë shoqërinë. Nuk është vetëm qeveria, është Shqipëria ajo që po vlerësojmë, le të themi, performanca e Shqipërisë dhe e gjithë institucioneve të saj. Ndaj do ta kundërshtoja interpretimin se po tregohemi të mirë me qeverinë dhe jo të mirë me opozitën. Ne po e vlerësojmë Shqipërinë si një sistem shtetëror. Jam në dijeni të qëndrimit të opozitës. Kam shprehur ndonjëherë mendime për disa ankesa të tyre, për shembull, në lidhje me Gjykatën Kushtetuese. Megjithatë, ajo që për mua është një vijë e kuqe është kur fillon të minohet apo të vihet në dyshim reforma në drejtësi e vitit 2016. Për ne, ajo reformë ishte kyçe për fillimin e procesit të negociatave me Shqipërinë dhe kjo nuk mund të vihet në dyshim. Ju e dini, unë kurrë nuk komentoj për çështje individuale gjyqësore. Nuk është puna ime, vërtet. Unë mendoj se drejtësia duhet të lejohet të ndjekë rrugën e saj. Kam besim te sistemi që u vendos në vitin 2016 dhe sigurisht që ishte revolucionar. E dini, e gjithë kjo, edhe vetingu i magjistratëve vazhdon ende. Shpresojmë se do të përfundojë shumë shpejt. Por ishte një revolucion për Shqipërinë. Duhet ta lejoni të konsolidohet. Duhet ta lejoni të sjellë fryte. Dhe nëse ka diçka që duhet të bëjmë tani, është ta forcojmë atë reformë, ta thellojmë atë. Jo të fillojmë të vëmë në dyshim parimet e saj. Arkitektura që u vendos, që garanton që sistemi gjyqësor është i pavarur nga parlamenti dhe qeveria, pra i pavarur nga sistemi politik, është absolutisht kyç për të ardhmen e Shqipërisë. Dhe, e dini, ajo që më ngushëllon është të shoh se, sipas sondazheve të bëra kohët e fundit, besimi i shqiptarëve në sistemin e drejtësisë po rritet. Dhe është absolutisht thelbësore. Nëse njerëzit nuk kanë besim tek institucionet, veçanërisht në sistemin gjyqësor, ata thjesht largohen. Sepse nuk mendoj se të rinjtë shqiptarë largohen thjesht se nuk gjejnë punë. Ekonomia po ecën relativisht mirë, ka vende pune. Por ata nuk mendojnë se sistemi, ashtu siç është, i lejon të zhvillohen, i lejon të arrijnë ambiciet e tyre, thjesht bazuar në meritat e tyre. Ata mendojnë se sistemi është, në fakt, një sistem i korruptuar. Pra, roli i gjyqësorit këtu është absolutisht thelbësor.

Top News- Meta përshëndet rezolutën e IDC-CDI/ ‘Përkrah dënimin e manipulimit zgjedhor’
31/05 19:31
Top News- Berisha harron Metën? Çfarë po ndodh me aleancën e tyre?
31/05 17:43
Top News- “IDC-CDI nuk njeh zgjedhjet”/ Berisha: Në rezolutë kërkohet qeveri teknike
31/05 17:42
Top Channel/ Votuan kundër rinumërimit në KAS dhe anëtarët e opozitës, Berisha: Do e ankimojë partia
31/05 15:01
Top Channel/ Berisha: Nuk kanë vlerë kallëzimet në SPAK sepse është vegël e verbër e qeverisë
31/05 12:54
Top Channel/ Berisha: Çdo kandidat do mbështetet nga partia në rrugën e tyre drejt transparencës
31/05 12:54
Top Channel/ Berisha: Kërkesa e parë është pavlefshmëria e zgjedhjeve nga partia, pastaj kandidatët
31/05 12:54
Top Channel/ Berisha: Rezoluta e dytë e 108 partive politike botërorë, denoncon farsën elektorale
31/05 12:53
Top Channel/ PD letër presidentit Begaj, Ankesë për Ilir Rusmalin e KAS
30/05 22:59
Top News- KAS rrëzon kandidatët e PD/ Kërkuan rinumërim të votave në Tiranë dhe Durrës
30/05 20:04
Top Channel/ “Fodull”! Plas debati në KAS, Logu përplaset me Rusmalin
30/05 19:40
Top Channel/ KAS rrëzon kandidatët e PD! Kërkuan rinumërim të votave, por u refuzua
30/05 19:38
Top News- PD me raport përfundimtar për zgjedhjet/ Berisha tregon datën e publikimit
30/05 17:07
Top News- A po e përdor Berisha partinë për të mbrojtur interesat personale!
30/05 17:06
Top News- ‘PD pa demokraci të brendshme!’ Berisha akuza ndaj Bashës dhe justifikon bashkëpunëtorët
30/05 17:06
Top News- ‘Vjedhje votash nga vetë demokratët’/ Berisha lëshon paralajmërimin e fortë
30/05 17:06
Top Channel/ Kandidatët demokratë kërkojnë rinumërimin e votave, Berisha: Nuk hedhin asgjë poshtë
30/05 15:09
Top Channel/ “Luftë” brenda PD, kandidatët humbës dyshojnë se u vodhën votat
30/05 15:04
Top News- ‘Trafikim vote brenda listës së PD’/ 3 kandidatë demokratë kërkojnë rinumërim në Tiranë
30/05 13:02
Top Channel/ Kërkohet rinumërim, luftë brenda PD! Kandidatët e opozitës dyshojnë…
30/05 12:45