Komisioni i Venecias ka pranuar kërkesën e Kuvendit të Shqipërisë, për dhënien e një opinioni në lidhje me raportin midis demokracisë përfaqësuese parlamentare dhe detyrimit për zbatimin e vendimeve të Gjykatës Kushtetuese. Në përgjigjen drejtuar kryeparlamentares Spiropali, Presidentja e Komisionit të Venecias informon se kjo çështje është vendosur për shqyrtim në mbledhjen e Komisionit me 6-7 dhjetor 2024. “Nëpërmjet kësaj letre konfirmoj gatishmërinë e Komisionit të Venecias për të përgatitur këtë opinion për miratim në seancën plenare të 141-të. Dëshiroj t’Ju shpreh mirënjohjen time për besimin ndaj Komisionit të Venecias.” thuhet ndër të tjera në letrën e presidents se komisionit të venecias, ndërsa njoftimi për shqyrtimin e kërkesës së Kuvendit të Shqipërisë është publikuar edhe në faqen zyrtare të Komisionit. Në seancën parlamentare për cështjen e mandatit të deputetes olta xhacka, socialistët zgjodhën në masë abstenimin, duke mos e dërguar cëhstjen në gjykatën kushtetuese. Pas kësaj kryetarja e parlamentit Elisa Spiropali iu drejtua Komisionit të Venecias, për të zgjidhur atë që shumica e shikon si një ngërç të krijuar në marrëdhëniet me Gjykatën, për rastet e papajtueshmërisë së mandatit të deputetit. Shumica i është përmbajtur qëndrimit se deputeti nuk mund të detyrohet të votojë në një mënyrë të caktuar dhe se këtë liri atij ia njeh kushtetuta. kryetarja e parlamentit Elisa Spiropali, ka deklaruar se sapo te merret nga Komisioni i Venecias opinionin përkatës, do të veprohet sipas atij opinioni pa humbur asnjë ditë më shumë. Rasti i mandatit të deputetes Xhaçka e ka zanafillën që në qershor të vitit 2022, kur deputetë të opozitës, iu drejtuan parlamentit me një mocion për konstatimin e pavlefshmërisë dhe përfundimin e mandatit të ish ministres. Sipas tyre, deputetja Xhaçka ishte në konflikt interesi, duke qenë se bashkëshorti i saj, ish deputeti socialist Artan Gaçi, kishte përfituar statusin e investitorit strategjik, për ndërtimin e një hoteli në bregdetin e Dhërmiut.