Udhëheqësi i pakicës Demokratike në Dhomën e Përfaqësuesve, Hakeem Jeffries, planifikon të flasë me të 213 ligjvënësit rreth kandidaturës së Joe Biden përpara se të vendosë “hapit tjetër” për të mbështetur fushatën e presidentit për t’u rizgjedhur Para gazetarëve, ai tha se mezi pret të përfundojë bisedimet me “çdo demokrat” të Dhomës për Biden. “Ne do të mblidhemi si një ekip udhëheqës dhe do të vendosim për hapin tjetër”. Ndërkohë deri më tani, vetëm një numër i vogël demokratësh në Kongres kanë bërë thirrje që Biden t’i japë fund rikandidimit. Edhe Jeffries duket se po mendon edhe mundësinë që Biden të tërhiqet në ditët e ardhshme, por nuk është treguar i nxitar, pasi ka thirrur takime me demokratët për të dëgjuar mendimet e tyre. Një pjesë tjetër e demokratëve mendojnë që vendimi të bazohet në sondazhe dhe nëse qytetarët nuk mendojnë se Biden është i duhuri për të garuar përballë Donald Trump në nëntor, presidenti duhet të tërhiqet.