Mes të dyshuarve edhe asistenti, zbulohen mesazhet që i fundosën Pesë persona janë vënë nën akuzë për vdekjen e aktorit të njohur, Mathew Perry. Një prokuror amerikan konfirmoi se ndaj tyre janë ngritur akuza në lidhje me vdekjen e aktorit, Matthew Perry, i cili vdiq vitin e kaluar nga mbidoza me ketaminë. Në mesin e personave të akuzuar janë dy mjekë dhe asistenti i aktorit. Prokurori Martin Estrrada njoftoi për ngritjen e akuzave të enjten, duke thënë se mjekët e furnizuan Perryn me sasi të madhe të Ketaminës dhe madje, gjatë një shkëmbimi të mesazheve të shkruara, kishin pyetur se sa do të ishte i gatshëm të paguante ish-ylli i “Friends”. “Këta të pandehur shfrytëzuan problemin e Perryt me varësinë, me qëllim që të pasuroheshin. Ata e dinin se çfarë po bënin, e dinin se ishte gabim, por nuk u ndalën. Ky quhet bashkëpunim kriminal në grup”, tha Estrada. Perry vdiq në tetor për shkak të mbidozës me ketaminë. Atij i ishin injektuar disa doza nga asistenti i tij personal me këtë substancë në ditën kur vdiq. Asistenti ishte personi që e gjeti të vdekur Perryn më vonë gjatë asaj dite. Aktori Perry për dekada të tëra kishte abuzuar me substanca narkotike dhe viteve të fundit ishte trajtuar për depresion, ankth dhe dhimbje. Ketamina ishte përmendur si shkaku kryesor i vdekjes dhe në raportin e autopsisë ishte thënë se vdekja e tij ishte aksidentale.