I kërkuar tashmë me një urdhër arresti ndërkombëtar, lideri i serbëve të Bosnjës, Millorad Dodik, ndodhet në Moskë, e këtë e pohoi vetë përmes një videomesazhi të publikuar në platformën X. Në videon rreth 2 minutëshe të filmuar përpara Varrit të Ushtarit të Panjohur në kryeqytetin rus, presidenti i Republikës Srpska e cilëson Vladimir Putinin si një "udhëheqës historik të popullit rus", edhe pse nuk tha nëse do të ketë ndonjë takim të mundshëm me të.